LAOAG CITY – Umabot iti 486 a nagannak wenno guardian ti nagkedked a mangpabakuna kadagiti annak da kontra iti measles ken rubella iti umuna a lawas ti immunization campaign ti Cebu City, rason tapno paigetan ti lokal a gobierno ti information drive kontra iti vaccine misinformation.
Naamoan nga umabot laeng iti 9,227nga ubbing agingga idi Agosto 15, ti nabakunaan wenno 10.18% ti target a 90,604 ti nabakunaan iti babaen ti Measles-Rubella Supplemental Immunization Activity (MR-SIA).
Segun ken ni Kenneth Siasar, chief of staff ni Cebu City Mayor Nestor Archival, kinakurang ti impormasyon ken saan nga umiso a pammati maipanggep iti bakuna ti sumagmamano a makitkita da a rason ti panagkedked dagiti nagannak a mangpabakuna kadagiti annak da.
Nangipatuluden ti lokal a gobierno ti ciudad ti education ken awareness teams kagiddan ti vaccination operations tapno ilawlawag kadagiti pamilya ti gagem ken kinatalged ti bakuna.
