LAOAG CITY – Agarop a 100 nga indibidual ti nanggundaay ti libre a Theoretical Driving Course babaen ti pannakibinnulig ti Land Transportation Office iti lokal a gobierno iti ili ti San Nicolas.
Segun ti lokal a gobierno, gagem ti nasao nga addang ket tapnu maliklikan ti vehicular traffic accident iti nasao nga ili ken bumassit ti magastos dagiti mangala ti student driver’s license.
Malaksid iti dayta, ti Theoretical Driving Course ket mangimpormar kadagiti motorista dagiti kangrunaan a driving practice ken dagiti linteg mainaig iti panagmaneho, kasta pay dagiti rumbeng ken saan nga aramiden da.
Maipalagip a ti nasao a kurso ket masapol a dalanen ti tunggal motorista tapnu makaala ti student driver’s liscence.
