LAOAG CITY – Nakasaganan ti pakabuklan a P84.88 million a balor ti agricultural inputs para kadagiti mannalon a naapektaran iti iduduprak dagiti bagyo Nika, Ofel, ken Pepito.
Basar iti Department of Agriculture(DA), karaman kadagiti maipaay a tulong ket dagiti bin-i nga irik, mais, high value crops, agas, abono, ken dadduma pay nga agricultural inputs a mausar dagiti mannalon tapno makabangon manipod iti epekto ti bagyo.
Naamoan a dagiti nasao a tulong ket naka-posisyon iti nagduduma a rehiyon kas Ilocos Region, Cagayan valley, Central Luzon, Western Visayas, Central Visayas, Eastern Visayas, ken Northern Minandao.
Nakasagana met dagiti fish stock ken fishing equipment manipod iti Bureau of Fisheries and Aquatic Resources (BFAR) a maibunong kadagiti mangngalap.
Inlawlawag ti Department of Agriculture a mangiyus-uswt metten ti Philippine Crop Insurance Corporation (PCIC) ti assessment ken validation dagiti insurance claims manipod kadagiti mannalon.
Plano ti Department of Agriculture a maibunong dagiti nasao a tulong iti kabiitan a panawen tapno mausar dagiti biktima iti ibabangon da manipod iti epekto ti bagyo.
