LAOAG CITY – Manarimaan ti rescue operation iti agarop 1,000 a tattao kadagiti campsite a naistranded gapu iti snowstorm iti nasulimek a paset ti Mount Everest.
Basar iti Chinese state media, ginasut a local villagers ken rescue team ti naiwaras iti lugar tapno maiwaknit dagiti nabunbunton a niebe nga addaan ti kangato a nasurok a 4,900 a metro wenno16,000 a kadapan.
Naamoan nga adda met ti agarop 350 a tattao ti naisalakan ken naipan iti nataltalged a lokasyon iti ili Qudang.
Inbatad ni Chen Geshuang, maysa kadagiti karaman iti trekking group a nagalis ken nakaro ti kinalamiis ti lugar no sadinno a ti kangrunaan a kalaban da ket risgo ti hypothermia.
Nangrugi a napasamak ti nakaro nga snow idi rabii ti biernes a nakaapektaran ti daya a bakras ti Mount Everest iti Tibet, ti lugar a kangrunaan a pagturturungan dagiti climbers ken hikers.
Gapu iti napasamak, sinuspenso paylaeng ti Tingri County Tourism Company ti panaglako da ti ticket para kadagiti kayatna ti mapan agpasyar iti Everest Scenic Area.
