LAOAG CITY – Kinumpirmaran ni Supreme Court Chief Justice Diosdado Peralta nga adda ti 700 a nagaplikar para iti Regional Trial Court ken First level court ken adda metten ti 200 dagiti nagaplikar para iti judges at large wenno roving judges.
Kuna na nga adda ti prosesso ken masapul a mainterview dagiti aplikante iti Judicial Bar Council.
Segun kenni Peralta, adu dagiti nagaplikar gapu ta addaan da iti online application para kadagiti nasao a posisyon.
Inbatad na a ngimmato pay ti sweldo iti first level court gapu ta naipan iti salary grade 28 iti agdama.
Mangnamnama ni Peralta a malitupan dagiti bakante a posisyon uray iti 60 a porsiento laeng ita a tawen.
