LAOAG CITY – Inpakaammo ni Interior Minister Laurent Nuñez kadagiti French media nga umaboted iti agarup 1,000 nga indibidualen ti naarestar kabayatan ti demonstrasion iti France.
Mainaig iti daytoy, kinuna ni Nuñez a mabalin pay a manayunan daytoy.
Kabayatanna, immaboten ti tension kadagiti sumagmamano a paset ti Europa.
Malaksiad idiay France, addan dagiti nangiwayat ti tignay protesta idiay Belgium, Albania ken Italy.
Idiay Brussels, nagusaren dagiti otoridad ti teargas ken pepper spray kabayatan ti panangkontrolda kadagiti agus-usig iti gobierno nga agik-ikkis ti nasay-sayaat a kondision iti sdistema ti edukasion.
Idiay met Albanian capital Tirana, rinibu ti nakipaset iti anti-government rally,no sadinno kas idiay Brussels, nagusar metten dagiti otoridad ti teargas tapno laeng makontrol ti sitwasion.
Ken idinto nga idiay Milan, Italy, kiddaw met dagiti residente ti nababbaba a presio dagiti magatang ken serbisio a mangparparigat iti panagbiagda.
