LAOAG CITY – Umabot iti 1,200 a consumers ti masuplayan ti 90 meters depth deep well wenno kulokol a naiyestablisar iti Brgy. Colo iti siudad ti Batac.
Daytoy ti inpakaammo ni Ms. Dona Sagun, General Manager iti Batac Water District.
Segun ken ni Sagun, ti nasao a proyekto ket naestablisar babaen iti koordinasyon ti Prime Water District nga idadauoan ti baro a manager, Engr. Ejay Borromeo.
Kuna ni Sagun a ti nasao a kulokol ket agatiddog iti 100 a metro.
Mangnamnama ti general manager a babaen iti daytoy ket manamnama nga awan ton dagiti tumpuar a reklamo maipanggep iti nakurang a suplay ti danom.
Inlawlawag na a nu pay saan a maipasigurado nga agtultuloy ti nabuslon a danom gapu ta agdenpende iti maurnong a tudo ken panawen ket adda ti sigurado a paggapoan ti suplay ti danom.
Innayun na nga iti laksid met nga adda ti apagapaman a singir iti konsumo ti danom gapu ta pribado ti Prime Water ket maipasigurado a maipan ti koleksyon iti pannakapadur-as ti serbisyo.
Kabayatanna, kuna ni Sagun a malaksid iti Brgy. Colo ket manamnama a maiyestablisar pay ti 100 meter depth deep well iti Brgy. Baay iti siudad ti Batac.
