LAOAG CITY – Natay ti agarup 15 nga indibidual ken saan a bumaba iti 15 ti nasugatan kalpasan iti napasamak a New Delhi station crush.
Kinumpirmaran daytoy ni Dr. Ritu Saxena, Deputy Medical Superintendent ti Lok Nayak Hospital iti New Delhi kalpasan ti rinibu a tattao ti nagdudupudop iti railway station.
Naammoan a kadagupan kadagiti pimmusay ket tallo ditoy ket ubbing idinto a dagiti sangapulo ket babbai.
Indanon ni Indian Prime Minister Narendra Modi ti pannakipagladingitna kadagiti maseknan a pamilia dagiti biktima.
Kabayatanna, kaaduan kadagiti tattao a nagturong iti railway station ket naggapuda iti Hindu religious festival a Kumbh Mela.
