LAOAG CITY – Umabot iti 180 a kameng ti Ilocos Norte Police Provincial Office ti makiparpartisipar iti mannarimaan nga INPPO Fun Shoot idiay Marcos Combat Shooters Firing Range a masarakan iti Brgy. Suba ti ili a Paoay.
Iti naisayangkat nga ababa a programa sakbay ti nasao a kompetision, nagbalin a kangrunaan a sangaili ken nagsarita ni Senior Sang. Panlalawigan Member Matthew Joseph Marcos Manotoc.
Ditoy nga impadanon ti bokal ti napalaus a panagyaman ti gobierno probinsial kadagiti amin a kameng ti pulisya ditoy probinsia iti panangpatalinaed da iti linak, urnos ken talna iti Ilocos Norte.
Imbatadna nga awan ti umdas a balikas a pangipeksa iti pagyaman kadagiti amin nga ar-aramiden da a para iti pagimbagan ti probinsia.
Mainaig iti daytoy, inbunannagna a mangnamnama a kadagiti masungsungad nga aldaw ket ad-adda pay a masuportaran ti probinsia dagiti ganuat ti pulisya.
Impasigurado ni Manotoc ti agtultuloy a suporta ti gobierno probinsial kadagitoy.
Kalpasan ti ababa a programa ket mismo a ti bokal ti napusgan a nangisayangkat ti “ceremonial shoot” ken inasistiran ni PNP