LAOAG CITY – Dumanonen iti 2.5 a milyon a botante ti nagparehistro para iti 2025 Midterm Elections.
Segun ken ni Commission on Elections Spokesman John Rex Laudiangco, nakaawat ti poll body ti 2,473,922 applications sipod idi rinugianda ti voter registration idi Pebrero.
Kunana nga ad-adu dagiti kualipikado a botante ti agpaparehistro gapu iti panagngato ti kapanpannutanda iti kinapateg ti karebbenganda nga agbutos.
Iti records ti poll body, ti Calabarzon ti nakairekord ti kangatoan a bilang dagiti nagparehistro a dumanon iti 453, 313.
Sinaruno daytoy ti National Capital Region nga addaan ti 367,869 ken Central Luzon nga addaan met ti 286,190.
Simmaruno ti Central Visayas, Davao Region ken Western Visayas.
Kabayatanna, naammoan a ti kabassitan a nagparehistro ket iti Cordillera Autonomous Region ken sinaruno iti Mimaropa.
