LAOAG CITY – Umabot iti 1,719 nga indibidual ti naasistiran ti Philippine Red Cross (PRC) iti nationwide Holy Week Operations 2026 a nangrugi idi Marso 29 ken malpas inton Abril 5.
Iti nasao a bilang, 1,627 ti dimmalan iti vital signs monitoring idinto a 78 ti minor cases kas ti abrasion, blister, body weakness, bruise, dizziness, fainted, LBM, sprain, muscle cramps, wound, stomach ache, minor wound, pain and itchiness ken minor burn.
Adda ti 10 a major cases a nairekord pakairamanan ti hypertension, abdominal pain, stab wound, head injury ken jellyfish sting.
Uppat ti kinasapulan nga itaray iti ospital gapu iti multiple injuries, fall incident, unconscious ken laceration.
Iti welfare assistance, adda ti pakabuklan a 14 a nairekord: lima para iti psychological support, uppat a referral ken lima para iti wheelchair assistance.
Para iti deployment ti PRC assets, nakaposision ti 51 ambulances, maysa a mobile clinic, dua a Volunteer Emergency Response Vehicle, maysa a rescue boat, 181 FA stations, 38 welfare desks, 20 foot patrols ken pakabuklan a 2,000 manpower manipud iti staff ken volunteers.
Sakupen ti operasion ti 183 areas of assignment pakairamanan ti AOR, ARENA, barangay hall, beach, bus terminal, simbaan ken dadduma pay.
