LAOAG CITY – Agarup 200 a ganganaet ti natiliw dagiti otoridad iti maysa a Philippine Offshore Gaming Operators POGO ‘scam hub’ ditoy pagilyan.
Ginandat met dagiti sumagmamano nga empleado ken dagiti opisyal ti POGO hub iti Macapagal Avenue idiay Pasay City ti naglibas kabayatan ti pannag-raid ti Presidential Anti Organized Crime Commision (PAOCC), National Bureau of Investigation, Bureau of Immigration, ken dagiti otoridad ti pasdek da.
Kaaduan kadagiti nadanun dagiti otoridad nga empleado a ket Chinese nationals, no sadinno a nasarakan dagiti ganganaet iti uneg dagiti kuarto ti nasao a POGO hub.
Nasarakan pay dagiti otoridad dagiti nakalukat a computer a maipagarup a naaramat iti panagkusit da.
Malaksid ladagiti ganganaet ket nasarakan pay ti nasurok a 70 a Pilipino nga empleado ti nasao a hub.
Ngem iti palawag dagiti empleado a Pilipino, nabayadanda iti P16,000 agingga iti P20,000 tapno mang-scam kadagiti ganggannaet.
Segun iti Presidential Anti Organized Crime Commision, adda lisensia ti POGO hub ngem non-operational pay laeng daytoy.
Gapu ta illegal met ti operasion, naipasidong dagiti ganggannaet ken empleado a Pilipino iti kustodiyar ti Immigration, no sadinno a mabalin a ti dadduma kadakuada ket agbalin a witness.
