LAOAG CITY – Umabot iti 215 a pamilya ti naapektaran ti panaglayus iti Brgy. Ricarte iti siudad ti Batac kabayatan ti iduduprak ti Bagyo Maring.
Segun ken ni Brgy. Kagawad Sonny Camangeg iti nasao a barangay, naggapo iti Sta. Rosa Creek ti danom a nanglayus iti barangayda.
Nu pay kasta, kuna na a saan a nangato ti lebel ti danom rason a pinili dagiti residente ti nagtalinaed kadagiti bukodda a pagtaengan.
Mainaig iti daytoy, inpanamnama ni Camangeg a a maikkan ti relief good dagiti apektado a pamilya babaen ti barangay ken lokal a gobierno iti siudad ti Batac.
