LAOAG CITY – Sakit ti nakem ti nangrikep ti tawen 2022 iti maysa nga aglaklako ti paputok a ni Mr. Patrick Salvador ditoy siudad ti Laoag kalpasan a natakawan sakbay masarabo ti tawen 2023.
Segun ken ni Salvador, agarup 3:30 idi parbangon idi kalman ket mapan ti uliteg na iti ili ti Bangui tapno agala ti stock ti paputok ken marmaturog met ti ikit na.
Inbatad na nga apaman a nakapanaw ti uliteg na ket dita a mapatta-patta a sinerrek ti agtatakaw ti pwesto da.
Kuna na a naitaray ti dua a cellphone ti ikit na nga agbalor ti 110 a ribo a pisos pakairamanan ti bag na a naglaon ti 140 a ribo a pisos, nagduduma a dokumento ken ti kaha da a naglaon met laeng ti sumagmamano a cash.
Mainaig iti daytoy, inpakaammo ni a daytoy ti damo a maaramid ti panagtakaw iti pwesto da nga aglaklako ti paputok.
Kabayatanna, agpapan a maisursurat ti damag ket agtultuloy ti panagimbestigar dagiti otoridad iti napasamak.
