LAOAG CITY – Agarup 27 a Persons Deprived of Liberty iti Bureau of Jail Management and Penology ditoy siudad ti Laoag iti nagturpos ti programa a Katatagan, Kalusugan at Damayan ng Kommunidad wenno KKDK.
Segun ken ni Jail Inspector Shiela Marie Sapaden, mangidadaulo ti Bureau of Jail Management and Penology ditoy siudad ti Laoag, daytoy a programa ket dakkel a makatulong para kadagiti balod a kalikagumna ti makasursuro kadagiti nagduduma nga adal.
Inbatadna nga uray nakabalod dagitoy ket napateg nga adda latta dagiti pakakumikumanda a dakkel pakabenepisiaranda kas maysa nga indibidual.
Kunana a ti KKDK graduation ceremony ket para kadagiti balod a nakaturpos iti Katatagan, Kalusugan, at Damayan ng Komunidad (KKDK) program.
Innayonna a ti programa ti KKDK ket maysa a rehabilitation initiative a gagemna a tulongan dagiti tattao nga agbiag a produktibo.
Kabayatanna, naammoan a karaman iti programa ti psycho-educational drug counseling program nga addaan iti 24 a module pakairamanan dagiti sistema ti suporta para iti personal a panagdur-as ken pannakikammayet iti komunidad.
