LAOAG CITY – Dumanon iti agarup tallo a ribu ti nailungalong a linteg ti naipasa ti Senado iti napalabas a tallo a tawen iti babaen ti 19th Congress.
Basar iti statistical report ti indexing and monitoring section ti Senado, sumurok 2,200 ti naipasa First Regular Session, sumurok 430 idi 2nd regular session ken agarup 290 iti 3rd regular session.
Naammoan nga agingga idi Marso 12, adda ti sumurok 700 ti naaramidan ti committee report idinto 47 ti napirmaan ni Presidente Ferdinand Marcos J. ken napagbalin a linteg.
Mainaig iti daytoy, sumagmamano kadagiti dadakkel a naipasa a linteg let ti Maharlika Investment Fund, pannakaitantan ti Barangay ken Sangguniang Kabataan elections, No-Permit-No-Exam ban, panangipaaay ti cash incentives kadagiti senior citizens kadagiti agtawen ti 80, 85, 90 ken 95, panangpadagsen iti pannusa iti financial scamming ken dagiti linteg a mangprotehir iti West Philippine Sea (WPS).
Kabayatanna, adda ti sumurok 1,300 a resolusion ti inpasa iti Senado pakairamanan dagiti resolusion nga adda ti pakainaiganna iti imbestigasion kadagiti sumagmamano nga isyu a sangsangoen ti pagilian.
