LAOAG CITY – Pimmusay ti dandani 30 a Palestinians a kaaduan kadagitoy ket manipod amianan a Gaza Strip gapu iti airstrike nga inwayat dagiti suldado ti Israel.
Pinuntiria ti Israel dagiti pagadalan a pagtaltalinaedan dagiti residente manipud Gaza, segun iti medical team
Gapu iti daytoy, agarup 11 kadagiti pimmusay ket napapatay iti nagsina nga airstrike ti Israel, 9 ditoy ti napapatay iti ili ti Beit Lahiya ken Jabalia camp idinto a dua ti napapatay iti drone fire idiay Rafah.
Segun kadagiti residente, naruay dagiti nauram a pagtaengan gapu iti makapapatay nga airstrike.
Kabayatanna, inlawlawag met ti Israel a ti panagatake kadagiti command ken control center iti Abu Shabak clinic iti amianan a Gaza ket gapu ta ususaren daytoy ti Hamas a pagiloemlemmengan da kadagiti armas.
