LAOAG CITY – Kiniddaw ni House Deputy Majority Leader ken ACT-CIS Party-list Rep. Erwin Tulfo iti Department of Trade and Industry (DTI) a solusyoban ken proteksyonan ti agarup 300,000 a mangmangged gapu ta pagam-amakan a maawanan da ti trabaho.
Segun iti Senador, no agtultuloy a malugi dagiti local manufacturers ditoy pagilian gapu iti panagraira ti online selling ken dagiti produkto manipud China ket mailako nga awan ti umno nga approval wenno awan ti regulasion ti gobierno ket mabalin a maikkat iti trabaho dagiti rinibribu a mangmangged.
Rimsua ti daytoy apaman ti panagdengeg ti House Committee on Trade and Industry mainaig iti saan a patas a panaglako kadagiti produkto manipud iti sabali a pagilian babaen ti panangusar kadagiti nagduduma nga online platforms.
Kabayatanna, inpasigurado met ti DTI nga itultuloyda a lapdan ti iseserrek dagiti imported products a saan a lumasat iti ahensiada.
