LAOAG CITY – Inpakaamo ni Brgy. Kagawad Rodel Gudoy ti chairman ti committee on agriculture iti Brgy. Darayday ditoy siudad ti Laoag nga umabot iti 303 a baboy ti manamnama a maikali gapu iti pangta ti African Swine Fever (ASF).
Inlawlawag ni Gudoy a nu man pay awan ti nagpositibo a baboy iti ASF iti nasao barangay ket karaman iti 500-meter radius dagiti baboy a maisakripisyo.
Inbatad na a kaaduan kadagiti baboy ket manipod iti maysa a piggery nga umabot iti 288.
Mainaig iti daytoy, kuna ti opsiyal a manarimaan ti panangsapulda ti lugar a pakaikalian dagiti baboy.
Inpakaammo na nga immunan nga iyumanda iti city engineering office nga iti abay ti ubong ti pakaikalian dagitoy ngem manamnama a mainspeksyon pay laeng.
Kabayatanna, kuna ni Gudoy nga adda ti naalaan ti blood sample a baboy iti Sitio 1 iti nasao a barangay ken maiyur-uray ti resulta daytoy.
