LAOAG CITY – Agarup 500 a displaced tricycle drivers ken kutsero ditoy ciudad ti Laoag ti naipaayan ti assistance manipod iti Department of Social Welfare and Development (DSWD).
Segun kenni Mrs. Liliane Rin, PSWDO, 442 a tricycle drivers ken 48 kutsero ditoy ciudad ti maikkan ti sag-lima a ribo a pisos ken food packs.
Daytoy ket kalpasan a nagkiddaw ni Governor Matthew Marcos Manotoc kenni Senador Bong Go ti tulong kadagiti naapektaran a kailian ditoy probinsya ken inkiddaw met ti senador iti DSWD.
Inbatad ni Rin a napili dagiti tricycle driver ken kutsero kas beneficiary agsipod ta saan a nakapasada dagitoy iti baet ti pandemiya ken maibialang da iti low income families.
Manamnama a sumaruno a maipaayan dagiti tricycle driver ken kutsero iti sabali nga ili iti sumarsaruno nga aldaw.
