LAOAG CITY – Umabot iti 600 a ribo a pisos ti balor dagiti nadadael iti pannakauram maysa a pagtaengan iti Brgy. San Juan iti ili ti Pasuquin.
Basar iti Bureau of Fire Protection, adda ti naipatulod a report iti opisina da seknan iti uram.
Gapu iti daytoy, dagus a nagturong dagiti bombero iti nasao a barangay ken dakkelen ti apoy a nadanon dagitoy.
Apaman a nasebseban ti apoy ken rumrumuar a namungay ti uram iti electrical circuit.
Kabayatanna, nagasat nga awan dagiti nasugatan wenno nadangran gapu iti insidente.
Nagpalagip ti Bureau of Fire Protection a masapol a liklikan ti octopus connection ken ti panagtalinaed a nakasaksak dagiti saan a mausar nga appliances wenno aniaman a ramit iti uneg ti pagtaengan.
Iti agdama ket agtultuly ti imbestigasyon ti Bureau of Fire Protection iti nasao nga uram.
