LAOAG CITY – Nagturpos ti agarup sangaribu nga agad-adal ti Department of Education – Schools Division of Ilocos Norte iti Alternative Learning System.
Segun ken ni Atty. Donato Balderas Jr., Schools Division Superintendent ti Department of Education – Schools Division of Ilocos Norte, dagiti maseknan nga estudiante ket agtawen iti 20 agingga 60 no sadinno ket agtawen iti 84 ti kataengan a nagturpos iti Alternative Learning Sysytem.
Inbatadna a mangipasimudaag a saan nga agbalin a lapped ti kinataeng ti maysa nga indibidual iti pananggun-od ti arapaap a makaturpos iti panagadal.
Kunana a dagiti maseknan nga estudiante ket elementaria ken sekondaria a nakaawat ti completion.
Nupay kasta, kuna ni Balderas a mabalin dagitoyen nga agtuloy iti Senior High School.
Kabayatanna, ginutigotna dagiti dadduma nga indibidual a nagsardeng iti panagbasana nga ituloyda nga agbasa babaen iti Alternative Learning System.
