LAOAG CITY – Agbalor iti walo a milyon a pisos a farm machineries ken equipment iti naibunong kadagiti Agrarian Reform Benificiaries Organization wenno ARBOS ditoy probinsia.
Daytoy ti inpakaammo ni Mr. Vic Ines, Provincial Agrarian Reform Program Officer II ti Department of Agrarian Reform Office ditoy probinsia.
Inbatadna a daytoy ket maysa a dakkel a tulong kadagiti Agrarian Reform Beneficiaries Organization.
Malaksid iti daytoy, inrakurakna nga agtultuloy ti panangisayangkatda ti panagsanay tapno napinpintas ti operasion dagiti maseknan a benepisiario.
Kabayatanna, inpetteng ni Mr. Ines a 11 nga Agrarian Reform Beneficiaries Organizations ti immawat kadagiti farm machineries ken equipment kas ti hand tractors, water pumps, multi-function tillers/cultivators, 4WD tractors, ken driving-type small rice harvesters.
