LAOAG CITY – Ilunglungalong ni Cong. Erwin Tulfo ken dagiti kakaduana iti ACT-CIS Partylist ita a lawas nga ibaklayen ti PhilHealth ti panagpaagas kontra iti leptospirosis ken tetano dagiti pasiente a biktima dagiti kalamidad kas ti bagyo, layus ken uram.
Inbatad ni Cong. Tulfo, dakkel a pagnam-ayan dagiti pasiente nangruna no dagitoy ket biktima iti kalamidad kadagiti lugarda.
Kunana a maysa kadagiti problema a masapol a solbaren ti gobierno ket ti panagpaagas a libre kadagiti biktima wenno dagiti residente a nakaptan ti sakit gapu iti didigra.
Kalikagum ni Tulfo a sungbatan ti PhilHealth ti panagpaospital kadagiti natamaan ti leptospirosis wenno tetano gapu iti panaglayus kadagiti lugarda.
