LAOAG CITY – Nagbaliktad ti Toyota Fortuner ti agasawa kalpasan a naitapwak iti Canal Bridge iti Barangay Billoca iti siudad ti Batac.
Ti lugan ket inmaheno ti maysa a lalaki nga agtawen ti 73, retired teacher, ken residente ti Barangay Tabug, iti isu met laeng a siudad ken sakayna ti asawana nga agtawen ti 72, retired technician ti National Tobacco Administration.
Basar ti imbestigasion, ti drayber ket manarimaan nga agdaldalyasat manipud daya nga agpalaud iti Trading Center, idinto nga addada iti Canal Bridge, napaay ti drayber a mangobserbar ti dalanna isut gapuna a kellaat a naitapwak ket nagbaliktad.
Insigida met a naitaray ti Mariano Marcos Memorial Hospital and Medical Center (MMMH&MC) ti agasawa para iti naan-anay a pannakatamingda.
Iti agdama, naamoan nga agtalinaed nga awan puot na ti drayber ti nasao a lugan.
