LAOAG CITY – Kinumpirmaran ni Barangay Chairman Joselito Bersalona iti Barangay Billo-ca iti ciudad ti Batac nga adda ti agasawa a nakastrek iti nasao a lugar a naggapo idiay probinsya ti Pampanga.
Daytoy keet kalpasan nga adda ti naipadanon iti Bombo Radyo nga adda ti agpasya-pasyar iti barangay da a taga-Pampanga.
Segun kenni Bersalona, idi naamoan na daytoy ket dagus na nga inreport iti opisina ti Mayor ken napan iti Rural Health Unit (RHU) ken nagkiddaw a mamonitor dagitoy.
Inbatad na a ti nakalap na nga impormasyon ket agtrab-trabaho dagitoy iti Call Center.
Kiniddaw pay ni Bersalona kenni Mayor Albert Chua a ma-quarantine dagiti maseknan gapo ta agamak gapo ta adda ti kaso ti Covid-19 idiay Pampanga.
Iti agdama,adda da giti agasawa iti maysa nga establishimento iti nasao a ciudad ket naiget a mamonmonitor.
