LAOAG CITY – Maysa nga agasawa idiay Maryland, U.S.A. ti nakagun-od ti baro a rekord ti lubong gapu ta nagatendarda iti 135 a konsierto iti uneg ti maysa a tawen.
Pinasingkedan ti Guinness World Records a da Tijan ken Matthew Brown ti baro a record holders ti titulo a “Most Concerts Attended in One Year (Team of Two).”
Segun iti agasawa, addada iti maika-20 a konsierto idi pinampanunotda no mapanda iti Guinness gapu iti panagbuyada iti adu a konsierto.
Idi naammoanda nga adda daytoy a kita ti kategoria ti Guinness, napanunotda ti mangipatulod ti aplikasion ken ad-adda pay a nanginspirar kadagiti konsierto a nagatendaranda.
Iti interbyu ti agasawa, naammoan a $18,407.24 wenno katukad ti P1,029,000 ti nagastosda iti concert tickets.
Awanton ti pagbabaywan ti agasawa gapu ta maisublida ti nagastosda. Mamatida met a saan a magatadan dagiti naragsak a lagipda kabayatan ti konsierto.
Naammoan a sumagmamano kadagiti konsierto a binuybuya ti agasawa a Brown ket da Beyonce, Lizzo, Pitbull, Sam Smith, Billy Joel ken Stevie Nicks.
