LAOAG CITY – Inbatad ni ABC President Mikee Fariñas ditoy ciudad ti Laoag a manamnama a mapalubusan ton nga agkalubbon iti motorsiklo dagiti agasawa wenno aglive-in partner ditoy ciudad ken iti intero a probinsya.
Daytoy ket kalpasan ti pormal a panangiparuk-at ni Govenor Matthew Marcos Manotoc ti executive order mainaig iti daytoy nga addang.
Inlawlawag ni Fariñas a dagiti agasawa ken aglive-in partner ket maikkan da ti Angkas ID tapno isu ti ipakita da no adda mangsita kadakuada.
Segun kenkuana, ti barangay a mismo ti agited ti Angas ID gapu ta isuda ti makaammo no siasino dagiti agasawa wenno aglive-in partner.
Inpasigurado ti ABC President ditoy ciudad ti Laoag a siguradon a maiyimplementar daytoy nga addang.
