LAOAG CITY – Nasugatan dagiti agasawa kalpasan ti napasamak ti desgrasya iti paset ti Barangay 28 ditoy ciudad ti Laoag.
Nabigbig dagitoy nga isuda Rizal Abasta Bernabe, agtawen ti 66, nasawaan ken ti asawa na a ni Blandina Bernabe, agatwen ti 59, residente idiay Barangay Cabaroan iti ili ti Piddig.
Iti imbestigasyon ti PNP, bayat nga agpaamyanan dagiti biktima iti Deigo Silang Street ket nasapgud da ti motorsiklo nga iturturong ni Cristopher delos Santos, agtawen ti 27, naasawaan ken residente iti Barangay 55, Salet ditoy ciudad ti Laoag.
Naitaray dagiti biktima iti Governor Roque Ablan Senior Memorial Hospital, ken nagsagaba ti lalaki a Bernabe ti fracture iti akin-kannigid a saka na.
