LAOAG CITY – Inpakaammo ni Ruth Bushor, iti Wisconsin, USA, nga ad-adu kadagiti residente iti Wisconsin ti kaykayat na ti agbotos iti uneg ti pagtaengan kasta met iti online idinto nga adda dagiti kayat na ti agbotos iti kaaldawan ti eleksiyon.
Kuna na nga arig 50-50 ti bingay iti nagbaetan da Presidente Donald Trump kenni Democratic candidate Joe Biden.
Mainaig iti daytoy, inbatad ni Daniel Bushor, asawan ni Mrs. Ruth a kaykayat na a mangabak ni Trump iti umay nga eleksiyon.
Segun kenni Mrs. Ruth, tumultulong ni Trump kadagiti negosyante idinto a kumonkontra met ni Biden kadagiti programa ti agdama a presidente kas iti panggep ti tax, ken dadduma pay.
