LAOAG CITY – Nagtalinaed iti ospital dagiti agassawa kalpasan a nadungpar ti kurong-kurong ti nagluganan da a tricycle iti paset ti Brgy. Paratong iti ili ti Paoay.
Segun ken ni PMSgt. Teddy Ucol, ti imbestigador iti PNP-Paoay, agpaabagatan dagiti agassawa idinto a sumarsaruno ti kurong-kurong.
Inbatad na a dita a kellaat a dinnungpar ti nangiturong ti kurong-kurong ti tricycle.
Nagsagaba ti sugat iti ulo ti babai manipod iti pannakatennag na iti tricycle ken sugat iti nagduduma paset ti bagi iti asawa na.
Agtultuloy ti imbestigasyon dagiti otoridad kalpasan ti aksidente ken naduktalan nu adda iti impluwensya ti nasanger ti nangiturong iti kurong-kurong.
Agpapaman a maisursurat ti damag ken naamoan a kritikal ti kondisyon ti biktima a babai.
