LAOAG CITY – Nagkallaysa dagiti agayan-ayat a da Yang Jingshan ken Lee Xueying a nagkasar iti mismo nga aldaw ti arapaapda babaen iti ghost marriage.
Nupay kasta, natay dagiti agassawa a Malaysian nationals gapu iti aksidente wenno car accident.
Nagbaliktad ti naglugananda a kotse bayat a bumallasiwda iti kalsada idiay Perak iti amianan a laud a paset ti Malaysia.
Mainaig iti daytoy, sakbay a napasamak ti insidente, plano ni Yang ti agpropose ken ni Lee iti aldaw ti panagkasangayna no sadinno nakanselar daytoy gapu iti aksidente.
Nupay kasta, babaen ti tulong dagiti nagannakda nagtultuloy ti kasarda babaen iti maawawagan a ghost marriage.
Ti ghost marriage ket maysa a ritual a mangikasar kadagiti dua nga unmarried dead spirits. Maysa a kita ti tradision daytoy idiay China ken nakadanon ti kultura idiay Malaysia, North Korea, Japan, ken dadduma pay a pagilian iti East Asia.
