Inbatad ni Mrs. Susan Darangan a naklaat da iti asawa na a ni Mr. Pablito Darangan gapu iti dakkel a bayadan da a kontribusyon iti asosayon ti senior citizen partikular ti death aide.
Segun ken ni Mrs. Darangan, sakbay pay ti lockdown ket inpakaamodan iti asosasyon a saandan nga agbayad ti kontribusyon agsipod ta awan ti pamastrekan da ken saanda met a maikikkan ti resibo manipod nangrugi ti panagkontribisyonda.
Nu pay kasta, kuna na a naikkan da ti listaan nu sadino nga umabot iti nasurok uppat a ribo ti kasapulan a bayadan da iti asosasyon.
Innayunna nga innala pay dagiti opisyal ti asosayon da ti ID ti asawa na.
Kuna na a gapu iti daytoy ket indanon na ti arungaing na iti Senior Citizens Office iti siudad.
Kabayatanna, inlawlawag ni Ms. Norma Magaoay, treasurer ti asosayon dagiti Senior Citizen iti Brgy.41-Balacad ditoy siudad Laoag ti reklamo dagiti agassawa a Dangaran.
Segun ken ni Magaoay, saanda a maikkan ti resibo nu kasta nga agbayad da ti kontribusyon gapu ta nu laeng mairemit amin ti kontribusyon ti barangay iti senior citizen’s office ditoy siudad a maited.
Kuna na a saan nga inkapilitan ti panagbayad ti kontribusyon.
Inbatad na a naipakaamo laeng a bayadan da ti 4,400 nga inabunaranna.
Nu pay kasta, inbunannag ni Magaoay a saanna met nga ipilit a masiubli ti nasao a gatad nangruna nu kalikagum dagiti agassawa nga agsardeng kas miembro ti asosasyon.
Innayun ni Magaoay a ti ID ti lalaki a Dangaran ket naala tapno mausar iti pannakaisproseso ti social pension na.
Kabayatanna, innayun pay ni Mr. Genaro Helacio, presidente ti asosayon dagiti Senior Citizen iti nasao a barangay a saanna pay a nakitkita dagiti agassawa a nagreklamo seknan iti makolkolektar a kontribusyon.
Inpettteng na a nu adda man ti mabayadan kas iti death aide ket saan nga inkapilitan daytoy.
