LAOAG CITY – Nagreklamo dagiti agasawa ti Philippine National Police (PNP) ditoy ciudad ti Laoag kalpasan a nabiktima da ti maipagarop nga illegal recruitment.
Nabigbig dagitoy a da Julie Dapitan ken Edmun Dapitan, agpada nga agtawen ti 31 ken resident dagitoy idiay Paoay, Ilocos Norte.
Segun kadagiti agasawa, nagpost ti facebook ti kasinsin da a ni Marvin Devren, agtrabtrabaho idiay Singapore seknan kadagiti mayat nga agtrabaho para Malaysia.
Ditoy a naki-communicate da ken ni Devren ken naam-aammo da ni Ronaldo Diaz Fajardo, taga Nueva Ecija ken agdama nga agtrab-trabaho idiay Singapore ken agserserbi a recruiter.
Inbatad dagiti agasawa nga idi Agosto 20 itay napan a tawen ket nangipatulod da ti 70 ribo a pisos ken ni Fajardo para ti pannakaiproseso dagiti papeles da tapno makapan da agtrabaho idiay Malaysia.
Nupay kasta, ita laeng a bolan ket nagbalaw dagiti agasawa a Dapitan kalpasan a saandan a makontak ni Fajardo gapu ta in-deactivated nan ti facebook account na ken uray dagiti email adda nga us-usaren na.