LAOAG CITY – Nasugsugatan dagiti agassawa a naglubbon iti motorsiklo kalpasan a nadesgrasya dagitoy iti national highway a paset ti Poblacion 4 iti ili ti Pasuquin.
Basar iti imbestigasyon ti Philippine National Police Pasuquin, agpapaamianan ti motorsiklo nga inturong ti agtawen ti 53 a lalaki kadua na ti assawa na nga agtawen ti 48 ken agpada dagitoy a residente iti Brgy. Sulbec iti nasao nga ili.
Kabayatanna, bayat a daldalyasaten da ti nasao a kalsada ket adda ti limmasat a walang nga aso ken isu ti nadungpar dagitoy rason a napukawan ti kontrol iti manibela ti driver.
Gapu iti daytoy, agpada a nagsagaba ti sugat iti nagduduma a paset dagiti agassawa ken naitaray dagitoy iti Governor Roque Ablan Sr. Memorial Hospital ditoy siudad ti Laoag para iti naan-anay a pannakataming da.
