LAOAG CITY – Nagpanawagan ni Father Rufino “Jun” Sescon Jr. ti rector ti Minor Basilica ken National Shrine ti Hesus Nazareno kadagiti nakapila iti ‘pahalik’ nga ugalien nga ag-sanitize.
Inbatadna a napateg a kalpasan a maiggaman ti rebolto ti Itim a Nazareno ket agbuggo wenno ag-sanitize nga insigida.
Inlawlawagna a napateg daytoy tapno saan a maakaran ti aniaman a sakit gapu iti kinaadu dagiti tattao nga agpipinnulapol a nakapila.
Kabayatanna, naammoan a sipod idi rabii ti Lunes ket rinugianen ti pila ti ‘pahalik’ para iti Itim a Nazareno iti Quirino Grandstand.
