LAOAG CITY – Nasugsugatan dagiti agayan-ayat kalpasan ti panagdinnungpar ti maysa a pick-up ken closed van iti Barangay Catuging iti ili San Nicolas.
Iti inisyal nga impormasyon, ti nakalugan iti pick-up ket dagiti agayan-at no sadinno a ti driver ket maysa a kameng ti PNP idinto a ti driver ti closed van ket ni Carlo Padron a residente iti Barangay Pascal iti ili ti Bacarra.
Segun kenni Mr. Arnel, ti maysa ti babai a maysa kadagiti biktima, naggapo dagit agayan-ayat iti pagtaengan da iti Barangay Bungon iti ciudad ti Batac ken agturong da iti ciudad ti Batac para iti panagsagana ti babai iti panagturpos na iti nga aldaw.
Nupay kasta, kunana a kalpasan ti agarop 20 a minutos ket timmawag ti anak na kenkuana a nangipakammo ti pannakadesgrasya da isut gapo na a nagturong da a dagus iti lugar.
Mangnamnama daytoy a makalasat dagiti biktima no sadinno karaman iti sugat a sinagaba ti anak na ket ti ulo na ngem agpada met dagitoy nga adda ti puot na.
Mainaig iti daytoy, kuna met ni Police Major Eduardo Santos, ti chief fo police ti PNP-San Nicolas a ti pulis a biktima ket adda ita iti Provincial Hospital idinto a ti nobya na ket iti Mariano Marcos Memorial Hospital and Medical Center iti ciudad ti Batac para iti idadalan na iti CT-scan.
Inbatad ni Santos a napukawan ti preno ti closed van isut gapo na nga immagaw ti linya a nangitunda ti panagdinnungpar da iti pick-up.
Innayon na a mapilaan met ti kaso ti driver ti closed van a Reckless Imprudence resulting to physical injury.
Kabayatanna, nagpalagip ni Santos kadagiti motorista a kanayon nga agannad iti panagmaneho.
