LAOAG CITY – Nabagkong ti bukot kalpasan na nadanogdanog pay ti agnagan ti John Lloyd Peralta y Sales, 21 years old, single, Grade 12 Student, residente ti Brgy. Puruganan, Dingras.
Nabigbig met ti suspek a maipagarup a nangbagkong ken ni Peralta a ni as Karl Paulo Serdenia y Esta, 20 years old, single, unemployed, residente ti Brgy. Guerrero iti nasao met la nga ili.
Iti inisyal nga imbestigasyon ti PNP-Dingras, magmagna ti biktima kadua na ti nobya na a ni Niña Damo y Portela, 18 years old, single, grade 12 student, resident of Brgy. Bacsil iti naso met la nga ili idi malabsan da ti suspek ket iti saan nga ammo a rason ket binugkabugkawan na dagitoy.
Saan nga ingkankano dagiti agayan-ayat ti inaramid ti suspek ket intuloy da ti nagna ngem maipagarup a sinurot ti supek dagitoy ken maipagarup a binagkong na ti biktima a nakatamaan ti likod na kalpasan na ket maipagarup a dinanogdanog na.
Nakita ti nobya ti nasao a pasamak isu a naganawa ngem maipagarup nga inramraman na pay a dinangran ti nobya ti biktima.
Naitaray met nga insigida ti biktima ti biktima iti Dingras Dist. Hospital ngem naiyakar iti Gov. Roque Ablan Sr. Memorial Hospital para iti naan-anay a pannakaapaagas na.
