LAOAG CITY – Nalukatanen ti farm to market road iti Brgy. 21 iti ili ti San Nicolas nga agbalor ti 15 a milyon a pisos manipod iti Tobacco excise tax wennu ti RA 7171.
Segun iti lokal a gobierno iti ili ti San Nicolas, ti proyekto ket 4 a bansada a no mapagtitipon ket addaan ti kaatiddog a nasurok a maysa a kilometro .
Ti nasao a dalan ket masakupan na ti Sitio 2, Sitio 2A, Sitio 5 ken Sitio 6 iti nadakamat a barangay.
Mainaig iti daytoy, inlawlawa ti lokal a gobierno a ti nasao a barangay ti immuna a naipaayan ti nasao a proyekto gapu ta isuda ti kaadwan ti maap-apit a tabako.
Nupay kasta, inpasigurado ti lokal a gobierno a sumaruno a maipaayan dagiti dadduma a barangay iti nadakamat nga ili.
