LAOAG CITY – Inpakaammo ni Mayor Michael Marcos Keon ditoy siudad ti Laoag nga agarup 1.9 milyon a pisos ti balor ti nagatang a meat van.
Segun ken ni Keon, ti nasao a van ket kangrunaan a mausar a pagbunag ti karne manipod iti slaughter house ken maipan iti merkado publiko.
Inbatad na a dakkel a makatulong daytoy nangruna ita nga adda ti pangta ti African Swine Fever (ASF) tapno mapagtalinaed a nadalus ken saan a kontaminado ti karne iti baboy.
Kabayatanna, kuna ti Mayor a gapu iti kaadda ti meat van ket maipawil ton ti panagusar ti personal a lugan wenno dagiti kurong-kurong.
