Agdama a posisyon iti gobierno, rason ni ABC Pres. Mikee Fariñas a saan a nagbutos iti ordinansa a mangited ti insentibo kadagiti barangay officials a nagturpos iti tallo a termino

LAOAG CITY – Inlawlawag ti ABC president Mikee Fariñas ditoy siudad ti Laoag ti rason nu apay a saan a nagbutos iti pannakaipasa ti ordinsa a mangited ti cash incentives kadagiti barangay officials a makaileppas ti tallo a termino.

Segun ken ni Fariñas, agdama isuna a kapitan ken saan na a kayat a madaksan ti desisyon iti 12^th Sanggunian.

Kuna na a nu pay isuna ti immunan a nangilungalong  iti 10^th Sanngunian, masapol nga ipaima na ti desisyon kadagiti kakadua na iti konseho.

Babaen iti nasao nga odinansa, maikkan ti insentibo a 10,000 dagiti kagawad ken 25,000 dagiti kapitan a makaiturpos ti tallo a termino.

Kalpasan nga indasar ti ABC president ti ordinansa idi 2010 ken saan a naaprubaran ket in-veto met ti dati a mayor Cheville Fariñas idi isu na pay laeng ti adda iti termino.