LAOAG CITY – Natiliw ti maysa nga ag-deldeliver ti itlog iti merkado public ditoy siudad ti Laoag gapu iti iligal a panagikot na tip paltog.
Nabigbig ti suspek a ni Rodante Barlis Esteban, tubo iti Nueva Ecija ngem temporaryo nga agnanaed iti Brgy. 18 ditoy siudad ti Laoag.
Basar iti Philippine National Police-Laoag, immuna nga adda ti naipadanon a report seknan iti maipagarup a kaadda ti ikot a paltog ti suspek a nakatambay iti waiting shed ti Ilocos Norte College of Arts and Trade a sakop ti Brgy. 5 ditoy siudad.
Gapu iti daytoy, dagus a naiyuswat ti panagresponde ken apaman a nakapkapan ti suspek ket naduktalan iti ikot daytoy ti maysa a cal. 9mm a paltog nga addaan ti magazine ken walo a bala.
Kabayatanna, naiget a naglikudan ti suspek a kukua na ti paltog ken inpetteng na nga adda laeng ti ur-urayen na a kadua na tapno mapan da agi-remit ti kwarta.
Iti agdama ket agtultuloy ti imbestigasyon dagiti otoridad agaraman ti pannakaduktal ti pudno a kinatao ti suspek.
