LAOAG CITY – Nakakita dagiti ub-ubbing nga agga-ayam iti igid ti karayan Padsan paset ti Bgy. 6 iti ili ti San Nicolas ti maysa nga explosibo.
Insigida met a naitawag iti cuerpo ti pulisya ti nasao a pabettak ket dardaras met a nagresponde dagiti kameng ti PNP.
Inyawat a mismo ni Bgy. Kagawad Brandon Ulep ti nasao a pabettak kadagiti nagresponde a kameng ti pulisya kalpasan na naiturn-over ken ni SPO3 Zaldy Guillermo EOD Specialist a nangbigbigan na a maysa daytoy a rifle grenade.
Segun ken ni Guillermo, mabalin pay bumtak ti nasao a granada.
Iti agdama adda iti kustodyar ti INPPO ti nasaao a pabettak para iti disposiyon.
