LAOAG CITY – Nadesgrasya ti maysa a nurse ken ubing iti paset ti National Highway bisinidad ti Brgy. 40-Buyon iti ili ti Bacarra.
Binigbig ni Police Staff Sergeant Francisco Galo, imbestigador iti nasao a desgrasia ti nurse a ni Keana Valerie Vea Y Abad, agtawen ti 20, awanan ti asawa, maysa a Medical Technician iti Black Nazarene Hospital ken residente ti nasao a barangay idinto nga agtawen ti kaanakanna nga agtawen ti dua a lalaki.
Inlawlawagna a kabayatan a nakalugan dagiti maseknan iti motorsiklo, kellaat a pinikar ubing ti accelerator handle grip ti motorsiklo rason a saanen a nakontrol pay ti nurse ti manibela.
Gapu iti daytoy, naitupa iti kalsada ti nursenu sadino a nagsagaba ti sugat ti ulo, ngiwat ken agong idinto a nasugatan iti nagduduma a paset ti bagi ti ubing.
Dagus a naitaray dagitoy iti Black Nazarene Hospital kas iti kiniddaw ti nurse.
Immunan nga inlawalawag ti imbestigador a mapan gumatang dagiti biktima iti tiangge idin ta napasamak ti insidente.
Innayon na a saan met a nakasuot ti helmet dagiti maseknan idi napasamak ti desgrasya.
