LAOAG CITY- Naiget a naglikudan ni Mr. Edwin Jose agtawen ti 53, maysa nga agil-ilot, addaan ti asawa ken residente iti Bgy. 1 ditoy ciudad ti laoag a kukua na dagiti naala a maipagarup a shabu ken bala iti pagtaengan da.
Daytoy ket kalpasan ti naimballigian a search warrant operation ti PNP-Laoag nakalaan da iti tallo a big heat sealed sachet a naglaon iti maatap a shabu ken 4 a bala para iti kalibre 22 a paltog iti dura box nga adda a mismo iti salas ti pagtaengan na.
Masdaaw ni Jose no kasano a naaddaan ti shabu ken bala iti pagtaengan na.
Inadmitir na nga idi kabanbanwagan na ket agus-usar daytoy ngem itan ket insardeng nan.
Awan met ti maaramidan no saan nga iti mangsango iti maipila a kaso kontra kenkuana.
Naiwayat ti operasyon babaen ti panangimatanag dagiti opisyales ti barangay, DOJ ken kam
kameng ti media.
Mainaig a daytoy, inbatad ti PNP Laoag a bunga ti naiwayat a validation kalpasan a nakaawat da ti impormasyon manipud iti Barangay Anti Drug Abuse Council (BADAC) a ni Edwin Jose ket adda iti watchlist ti nasao a konseho.
Segun ken ni SPO3 Harold Nicolas, Chief ti Intelligence Div. Ibilang da ni Jose nga adda iti “street level category” kas pusher.
Kuna na a gapu iti naimballigian nga operasyon ket isagana ti kaso a maipila kontra ken ni Jose a panagsalunagsing ti RA 9165 wenno Comprehensive Dangerous Drugs Act of 2002 ken RA 10591 wenno Comprehensive Law on Firearms and Ammunition.
