LAOAG CITY – Rumrummuar a nagpinnakawanen dagiti agina nga isuda Sharon Cuneta ken KC Concepcion kalpasan nga adda dagiti sayangguseng a saanda a panagkikinnaawatan dagitoy.
Nangibati ti emoji ni KC iti post ti mommy Sharon-na a “Rehearsals ken Saban today!” a ti kayatna a saoen ket “beauty, positivity ken preciousness.”
Gapu iti daytoy, adu kadagiti followers ni Ate Shawie ti naragsakan iti panagpinnakawan dagiti agina.
Mamati dagiti fans-da a life is short isu a nasken laeng nga agbalin a naragsak ti relasion dagiti agina pakairamanan da Sharon ken Gabby Concepcion.
Iti agdama, adda iti concert tour da Gabby ken Sharon para iti Dear Heart US – Canada Tour 2024 agingga inton Nobiembre.
