LAOAG CITY – Nagsagaba ti 2nd degree burn dagiti agina a residente iti Brgy. Lydia iti ili ti Marcos kalpasan a nauram da.
Daytoy ti inpakaammo ni FO2 John Domingo, iti BFP Marcos.
Kuna na nga agtawen ti 25 ti ina ken agtawen ti maysa ti anak na.
Segun kenni Domingo, bayat nga ububbaen ti ina ti anak na nga aglutluto ti innapoy iti dalikan iti ruwar ti pagtaengan da ket kellaat a nagil-ayab ti apoy.
Inbatad na nga adda ti maysa a botelya ti gasolina, agarup maysa a metro ti kaadayu na iti dalikan a naglutuan ti ina nga isu ti makagapu a a bimtak ken panagil-ayab ti apoy.
Dagus a naitaray dagiti maseknan iti Doña Josefa District Hospital ken agus a naiyakar da iti Mariano Marcos Memorial Hospital and Medical Center iti siudad ti Batac.
