LAOAG CITY – Natay dagiti agina kalpasan a nabagk-bagkong da iti uneg ti pagnanaedan da nga apartment iti Ewa Beach, Hawaii.
Daytoy ti nakalap ng impormasyon Bombo International News
Correspondent Manny Pascua iti Hawaii.
Ti ina a biktima ket agtawen ti 23 idinto a ti anak na a maladaga a lalaki ket innem a bulan na paylaeng.
Segun kenni Pascua, posible a ti suspek ket ti nobyo ti ina nga agtawen ti 21.
Innayon na a naipakaammo iti Hawaii Police Department ti insidente babaen ti pagayam ti biktima idi bimmisita daytoy iti apartment.
Mainaig iti daytoy, napasamak ti desgrasya iti nasao a lugar.
Kuna ni Pascua nga idi rinespodian dagiti otoridad ti nasao a desgrasya ket naduktalan a ti maysa kadagiti dua a driver a karaman ti aksidente ket suspek ti pannakapapatay dagiti agina.
Kritikal ti kondisyon ti suspek bayat a nagtalinaed iti ospital iti agdama.
