LAOAG CITY – Nangidatag ti agingga iti 20 a porsiento a limit iti posible a panagngato ti plete kadagiti barko ti Maritime Industry Authority (MARINA) iti baet ti manamnama a baro a double-digit a panagngato ti presio ti langis ita a lawas.
Inbatad ni MARINA Spokesperson Louie Delos Santos, sakupen ti fare adjustment ti kapada a passenger ken cargo vessels.
Inlawlawag ti opisial nga umab-abot iti 40 agingga iti 60 a porsiento ti operational cost dagiti shipping company ti maikabkabil iti krudo isut gapu a naikeddeng ti agingga iti 20 a porsiento a fare hike gapu iti pabaliw-baliw a presio ti langis.
Inallukoy ti MARINA dagiti ship owner a pagtiponen wenno kissayan ti bilang ti biahe tapno mapno ti kapasidad ti barko ken makainot iti gasolina.
