LAOAG CITY – Nagun-od ti agkabsat nga isuda Owen ken Conner Gray manipud iti Great Britain ti Guinness World Record para iti kadakkelan a koleksion ti Pokémon cards a dumanon iti 48,339 a pedaso.
Naartapanda ti dati a reckord ni Benjamin DeGuire nga addaan ti 34,310 cards idi 2023.
Ti koleksion ti agkabsat ket pakairamanan dagiti card manipud kadagiti nagduduma a pagilian ken pagsasao.
Iti baet daytoy, ipanpannakkelda ti naduktalanda a rare “gold star Charizard” cards kadagiti bag a nabirokanda iti maysa nga attic.
Dagitoy a card nga adda iti napintas a kondision ket mabalin nga agbalor ti minilyon a dolyar.
Iti agdama, planplanoen ti agkabsat nga i-showcase ti naisangsangayan a koleksion kadagiti collector convention idiay Estados Unidos.
